Wednesday, December 4, 2013

!!! جماعت اسلامی بانٹیں شہادت وہ بھی اپنے اپنوں کو

ابھی حکیم اللہ محسود کی شہادت کے غم سے نکل نہ پایا تھا کہ جماعت اسلامی کے رہنما جناب فرید پراچہ صاحب نے قوم پر ایک اور ڈرون حملہ کردیا . ہاں میں اسامہ بن لادن کو شہید مانتا ہوں !!!  پراچہ صاحب ایک سانس میں بول گئے اور پوری قوم سانس لینا بھول گئی .



فرید پراچہ صاحب کے  الفاظ  سنتے ہی  میں تخت نشین سے فرش نشین ہوگیا، کچھ دیر میں حواس پر قابو پایا اور سوچ میں ڈوب گیا، حکیم اللہ محسود، کتا اور اب اسامہ بھی  شہید،؟ اگر کوئی شہید نہیں تو وہ ہمارے فوجی جوان جو اپنی جان کی بازی لگا کر پاکستان اور پاکستانیوں کی حفاظت کر رہے ہیں. مانا جماعت اور القائدہ دو جسم ایک جان ہیں اور ایک دوسرے  کے لیے  " Eye to Eye " گانا بھی گاتے ہیں پر جناب کچھ تو مولانا مودودی صاحب کے  نا-پاکستان کا خیال کرلیتے.


حکیم اللہ محسود کی ہلاکت کے بعد سے جماعت اسلامی اور تحریک انصاف دونوں جماعتیں ہی ذہنی اور جسمانی بیچینی کا شکار ہیں، دونوں جماتوں کے رہنما اور ورکرز الٹے سیدھے بیانات اور احمقانہ حرکات پر اتر آئے ہیں ، کبھی ISPR کی شکایات کسی دیہاتی عورت کی طرح وزیر اعظم سے کی جاتی ہے تو کبھی نیٹو کی سپلائی روک دی جاتی ہے، تو کبھی معلوم ڈرون کو نامعلوم ڈرون درج کردیا جاتا ہے.   

امریکا بہادر نے بھی ٹھان لی ہے " زمیں جنبد نہ جنبد گل محمّد ، ڈرون حملے  نہیں روکیں گئے". ایک تازہ ترین ڈرون حملے میں جماعت اسلامی کی طلبہ تنظیم کا ایک رکن عبدالرحمٰن شجاعت مارا گیا .عبدالرحمٰن NED University Karachi   سے  انجینرنگ کی ڈگری حاصل کرنے کے بعد، دہشتگردی میں اعلی تعلیم کیلیے کئی سالوں سے  وزیرستان میں مقیم تھے  اور پنجابی طالبان تنظیم کے ایک اہم رکن  کی حثیت سے جانے اور پہچانے جاتے تھے .  



عبدالرحمٰن کی موت کا سب سے زیادہ ردعمل پنجاب یونیورسٹی میں دیکھا گیا جہاں اسلامی جمیعت طلبہ نے ہوسٹل کی منتقلی کا بہانہ بنا کر نہ  صرف ٹیچرز پر تشدد کیا بلکہ یونیورسٹی کی بسوں اور سرکاری املاک کو جلایا اور نقصان بھی  پھنچایا.  جواباً پولیس نے کارروائی کی اور جمیعت کے کئی ارکان کو حوالات کی سیر کا شرف بھی  حاصل کرایا.  پنجاب یونیورسٹی کے ہوسٹل پر چھاپے کے دوران جمیعت کے ناظم راؤ عدنان  کے کمرے سے پہلی بار القائدہ کے ارکان  کے بجائے غالب کی شاعری کا سامان یعنی شراب کی بوتلیں ، جنت کے انگور یعنی گولیاں، اور ساتوں آسمان کی سیر کرانے والی بھنگ  برآمد ہوئیں.  شاہد جہاد پاکستان یا غزوه ہند کی تیاری ہو رہی تھی. ایک جماعتی دوست سے واقع دریافت کیا تو انھوں نے یہ کہہ کر لاجواب کردیا " نشہ شراب میں ہوتا تو ناچتی بوتل "


 پولیس کارروائی کے جواب میں فرید پراچہ صاحب  نے ٹی وی انٹرویو میں وائس چانسلر پنجاب یونیورسٹی کو "Play Boy " کا لقب عطا فرمایا، ( اپنا لقب چھن جانے پر عمران خان بہت جلد دھرنے کا اعلان کریں گے ). قارئین کو یاد ہو کہ نہ یاد ہو پر یہ وہی پنجاب یونیورسٹی ہے جہاں چند سال قبل جمیعت  کے جہادی ارکان نے عمران خان کو اغوا کرکے شرمناک حرکت کی تھیں.



جماعت اسلامی کی طالبان سے محبت کی ایک وجہ مولانا فضل اللہ عرف ملا ریڈیو کی تحریک طالبان پاکستان کی قیادت سمبھالنا ہے. جماعت کے امیرمنور حسن  نے صوفی محمّد صاحب کو جو کہ ملا ریڈیو کے قریبی ساتھی  اور روحانی پیشوا بھی ہیں  " تھوڑا کافر" کہہ کر مخاطب کیا تھا اور مرحوم قاضی حسین احمد نے طالبان کو امریکی تخلیق کہہ کر مخاطب کیا تھا. اب گردن کاٹنے اور بم پھٹنے کا خوف بھی تو کچھ ہوتا ہے نا،


جس طرح جماعت اسلامی شہادتیں بانٹ رہی ہے اس کے مطابق تو امریکی اداکار پال والکر " Paul Walker" بھی شہید ہیں کیونکہ ان کی کار بھی اک "امریکی بجلی کے کمبھے" سے ٹکرائی تھی.


بہت   ہو  چکی  بیوفائی  اب  تو  وفا  کیجئے
قبر میں ہیں پاؤں آپکے, کچھ تو حیا  کیجئے    

Twitter id : @fawadrehman    

3 comments:

  1. This comment has been removed by the author.

    ReplyDelete
  2. Love it. This a true commentary on the state of affairs existing today. Bravo!

    ReplyDelete